Vora nuk ka ndërmend të ndalet këtë merkato. Kampionë e Kategorisë së Dytë vijnë në të Parën me ide të qarta. Në këtë sezon ata nuk duan kurrsesi të jenë thjeshtë “vizitorë” por një nga protagonistët e kampionatit. Merkatoja ka nisur prej kohësh dhe konsolidmi i ekipit ka filluar me rinovimet e disa talentëve.
Edhe merkatoja në hyrje flet vetë. Së fundmi, Vora ka njoftuar se ka firmosur me Xhuljo Tabakun. Mesfushori bëhet kështu afrimi më i fundit në merkato dhe një përforcim me shumë vlera pasi eksperienca dhe cilësitë e tij flasin vetë.
Në të shkuarën ai ka luajtur me ekipe si TuS Erndtebrück, SC Wiedenbrück, Wuppertaler SV në Gjermani, dhe ne sezonin e fundit tek Korabi. Për 28-vjeçarin kishte interes konkret nga Skënderbeu por mesa duket voranët u treguan më të shpejtë.
