Gjykata serbe në Kralevë këtë të hënë ka vendosur lirimin e tre policëve të rrëmbyer disa ditë më parë në Kosovë.Rifat Zeka, Beqir Sefi dhe Mustafë Shemi, u rrëmbyen më 14 qershor brenda territorit të Kosovës.Qeveria e Kosovës kërkoi lirimin e menjëhershëm të tre policëve duke thënë se ata janë rrëmbyer brenda territorit të Kosovës dhe se Serbia ka kryer agresion ndaj vendit.
Sipas autoriteteve serbe, ata kryen veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse, e cila bart dënimin deri në 12 vjet burg.
Arrestimi i tre policëve ka nxitur reagime të shumta në vend dhe në arenën ndërkombëtare, ku përveç autoriteteve vendase lirimi i tyre ishte kërkuar dhe nga Bashkimi Evropian dhe Shtetet e Bashkuara të Amerikës.
