Komisioni i posaçëm për anti-korrupsionin, ambasada e SHBA: Presim që puna e komisionit të jetë transparente

Ambasada amerikane ka reaguar lidhur me punën e ngritur nga Komisioni i Posaçëm anti-Korrupsion në Kuvend.

Përmes një postimi në rrjete sociale, ambasada shprehet se puna e komisionit duhet të jetë transparente dhe në mbrojtje të pavarësisë së institucioneve.

Si partnerë të palëkundur të përpjekjeve të Shqipërisë për të çuar përpara reformat e nevojshme për anëtarësim në BE, Ambasada e SHBA do të angazhohet me komisionin e posaçëm për mirëqeverisjen, anti-korrupsionin dhe sundimin e ligjit.

Ne presim që puna e komisionit të jetë përfshirëse dhe transparente, në përputhje me kushtetutën, në mbrojtje të pavarësisë së institucioneve, si dhe të përmirësojë të ardhmen e Shqipërisë”, thuhet në reagimin e ambasadës.