Mali i Dajtit është mbuluar nga dëbora këtë fund dhjetori, duke ofruar një peizazh mahnitës për vizitorët.
Kryeministri Edi Rama ndau sot në rrjetet sociale pamje nga mali i Dajtit me dëborë në ditën e Krishtlindjes.
Mali i Dajtit, vetëm 22.4 kilometra larg qendrës së kryeqytetit, 1 613 metra mbi nivelin e detit është një atraksion i mrekullueshëm për vizitorët vendas e të e huaj.
Parku Kombëtar i Dajtit shtrihet në një sipërfaqe prej 3300 hektarë dhe konsiderohet si një monument natyror falë pyjeve me dru ahu me moshë deri 200 vjeçar.
Vitet e fundit Dajti është kthyer në një atraksion edhe për turistët e huaj, që pëlqejnë natyrën dhe aventurën. Mali i Dajtit nuk vizitohet vetëm në sezonin e dimrit kur mbulohet nga bardhësia. Edhe në pranverë kur rifillon gjelbërimi dhe ajri i pastër Dajti kthehet në magnetin që tërheq turistët.
