Vora bën ligjin në kryeqytet, i shkakton Tiranës humbjen e katërt radhasi dhe e shtyn drejt rënies

Vora ka siguruar në tjetër fitore bindëse që e shtyn skuadrën e drejtuar nga Arjan Bellaj larg zonës së ftohtë të klasifikimit, teksa zhyt gjithnjë e më shumë në fund pikërisht Tiranën që u mposht sot në fushën e saj me shifrat 2-0.

Një sukses i “gatuar” në pjesën e parë nga Vora që përfitoi nga gabime te vendasve për të shënuar me Bardhin e Kasallën. Ndërsa në fraksionin e dytë të lojës, bardheblutë ishin më ngulmues, por pa u shfaqur thuajse asnjëherë të rrezikshëm para Ruçit.

Ndaj në fund Vora mori tre pikë të merituara, ndërsa Tirana humbjen e katërt radhazi në një sezon që po rezulton gjithnjë e më shumë historik për të gjithë arsyet e gabuara për bardheblutë.

TIRANA 0-2 VORA