Të shtëna me armë zjarri në Rrogozhinë! Deri më tani raportohet për dy persona të plagosur, megjithatë nuk ka asnjë konfirmim zyrtar nga ana e Policisë së Shtetit.
Ngjarja raportohet se ka ndodhur në rrugën Sinaballaj, dhe deri më tani është zbardhur vetëm identiteti i një prej të plagosurve. Mësohet se një plumb në këmbë ka marrë 20-vjeçari me iniciale K.LL., nga Kavaja.
Nga informacionet e para është bërë me dije se të plagosurit janë dërguar me urgjencë në spital. Megjithatë nuk dihen shkaqet e ngjarjes dhe përse janë plagosur të rinjtë.
