Përpjekja për të shpëtuar tokën që po digjej, përfundoi me vdekjen e një burri i cili u asfiksuar nga tymi i flakëve që po shuante.
Ngjarja ndodhi sot ku ka rënë zjarr në një sipërfaqe toke në fshatin Sterbeg, Kryevidh.
Noa.al raporton se duke tentuar të shuajë zjarrin në tokën e tij, është asfiksuar nga tymi dhe për pasojë ka ndërruar jetë shtetasi R. P., 59 vjeç.
Viktima ishte banues në fshatin Sterbeg, Kryevidh, Kavajë.
Grupi hetimor po punon për sqarimin e plotë të rrethanave të ngjarjes dhe përcaktimin e shkakut të rënies së zjarrit.
