Ambasadorja Yuri Kim ka ndarë postimin e sekretarit amerikan të shtetit, Antony Blinken i cili kërkon që të nisin sa më parë negociatat për integrimin e Shqipërisë dhe Maqedoninë e Veriut në Bashkimin Europian.
“Ne theksojmë se negociatat e pranimit me Shqipërinë dhe Maqedoninë e Veriut duhet të fillojnë pa vonesë”, thuhej në deklaratën e Blinken.
Kim shkruan se, pranimi në BE është një përparësi për të gjithë Ballkanin pasi ndihmon në kosolidimin e institucioneve demokratike dhe në mbrotjen e të drejtave themelore.
Postimi i Yuri Kim:
SHBA dhe Bashkimi Europian pajtohen që rajoni i BB i përket BE -së dhe negociatat e pranimit Shqipëri, Maqedoni e Veriut duhet të fillojnë pa vonesë. Pranimi në BE, një përparësi e deklaruar për të gjithë Ballkanin, ndihmon në konsolidimin e institucioneve demokratike, në mbrojtjen e të drejtave themelore dhe avancimin e sundimit të ligjit.
