Kryeministri i vendit, Edi Rama deklaroi këtë mbrëmje që, nëse populli e kërkon, ai është i gatshëm të legalizojë kanabisin edhe për përdorim vetjak.
Kreu i qeverisë bëri me dije se në procesin e radhës të Këshillimit Kombëtar mendohet të përfshihet në mesin e pyetjeve edhe çështja e përdorimit personal të kanabisit.
“Vitin tjetër do shtrojmë pyetjen: a doni të keni përdorimin vetjak në atë gramaturën e vogël? Unë s’kam opinion. Tani jemi shumë të qartë. Nëse do të thonë shqiptarët që përdorimi personal të lejohet, na vjen keq për të gjallët që kanë vdekur, por do e bëjmë”, u shpreh Rama.
Kujtojmë se në rezultatet e Këshillimit Kombëtar, që u mbyll para disa ditësh, qytetarët shqiptarë ishin shprehur pro legalizimit të kanabisit për qëllime mjekësore. Deri tani, Rama ka deklaruar se nisma do të bëhet realitet.
