Këshilli për Rregulloren, Mandaten dhe Imunitetin ka shqyrtuar sot vendimin e Komisionit Qendror të Zgjedhjeve për ti dhënë mandatin e deputetit Pandeli Majkos.
Në njoftim thuhet se mbledhja e Këshillit për Rregulloren, Mandatet dhe Imunitetin shqyrtoi vendimin e Komisionit Qendror të Zgjedhjeve “Për dhënien e mandatit të deputetit të Kuvendit kandidatit të listës shumemërore të Partisë Socialiste të Shqipërisë, qarku Tiranë Pandeli Sotir Majko” dhe pasi verifikoi mandatin e deputetit Majko, ia kaloi seancës plenare të kësaj të Hëne.
Marrja e mandatit të deputetit nga Majko, që pritet të votohet në seancën që nis në 17:00, vjen pas dorëheqjen së Alqi Bllakos. Ky i fundit u arrestua në dosjen hetimore për inceneratorin e Fierit.
