Në një postim në rrjetet sociale kryebashkiaku i Shijakut, z.Arbana ka drejtuar një thirrje se përse shijakasit duhet të besojnë te vizioni politik i Kryeministrit Edi Rama.

Postimi i plotë:

11Maj2025

Mbështetja me votë që i jepni Partisë Socialiste dhe liderit Edi Rama, është një vendim që ju merrni për të ardhmen e Shqipërisë.

Partia Socialiste gjatë kësaj dekade ka treguar se ka vizionin e duhur për zhvillimin e mëtejshëm të vendit tonë.
Ka marrë besimin e qytetarëve, si alternativa më e mirë qeverisëse me politikat e saj, duke përmbushur premtimet e dhëna me përkushtim, për t’i shërbyer të gjithëve njëlloj.

Në Shijak falë mbështetjes së Kryeministrit Rama është investuar si kurrë më parë.

Rindërtimi në vetëm 5 vite:
🔸️31 pallate të reja
🔸️802 shtëpi individuale
🔸️6 shkolla
🔸️3 Kopshte
🔸️Qendra Kulturore Multifunksionale

🤝 Sfidat më të mëdha i kemi kaluar me mbështetjen e Kryeministrit Rama, Shijaku u ringrit pas tërmetit. Gjatë pandemisë jemi kujdesur veçanërisht për të moshuarit që nuk kishin pranë fëmijët e tyre.
Kemi investuar në infrastrukturën rrugore të qytetit dhe fshatrave dhe deri në 2027 do të asfaltojmë rrugët e çdo fshati.

Shijakasit që jetojnë këtu, por edhe të gjitha familjet shijakase të diasporës duhet t’i besojnë vizionit politik të Edi Ramës.
Pas çdo pune që ka sjellë zhvillimin e Shijakut, qëndron mbështetja që na ka dhënë Kryeministri Rama dhe qeveria shqiptare.

Shijakasit e dinë shumë mirë se kush i është gjendur pranë gjatë vështirësive që kemi kaluar. Për këtë, vota për Partinë Socialiste është vota që shkon për mirëqenien e familjes, për të ardhmen e fëmijëve tanë.
Koha ka treguar se duke përmirësuar veten çdo ditë mund të arrijmë të bëjmë gjëra të mëdha në shërbim të njerëzve.

Vetëm Përpara me Partinë Socialiste!