Një aksident ka ndodhur disa minuta më parë në aksin Fier- Lushnjë, në vendin e quajtur “ Kryqëzimi i Vajkanit”.
Një kamion është përplasur me një ambulancë, dhe si pasojë e përplasjes së fortë kanë mbetur katër persona të lënduar dy prej të cilëve ndodheshin në ambulancë, të cilët janë transportuar me urgjencë drejt Spitalit Rajonal Fier ku po marrin ndihmën mjekësore.
Korrespodenti i Top Channel, Neritan Trifoni, raporton të plagosur kanë mbetur shtetasit Genci Zylyftari, Esat Zylyftari (babë e bir), Hatem Bakillari dhe shtetasi Taulant Mekollari.
Shtetasi Ilir Seitaj ka qenë duke drejtuar kamionët, teksa është përplasur me shtetasin Jemin Tare, drejtues i ambulancës.
Në vendngjarje kanë shkuar menjëherë, policia, ambulanca, një mjet zjarrfikës dhe grupi hetimor i cili po punon për zbardhjen e shkaqeve të këtij aksidenti.
Ndërkohë është krijuar edhe radhë e gjatë automjetesh si pasojë e bllokimit të trafikut.
