Fermerët e Shijakut përfitojnë mbështetje nga qeveria përmes Programit për Bujqësinë dhe Zhvillimin Rural.
Fermerët e Shijakut përfitojnë mbështetje nga qeveria përmes Programit për Bujqësinë dhe Zhvillimin Rural.
Fermerët dhe blegtorët në bashkinë e Shijakut kanë përfituar ndihmë konkrete nëpërmjet Programit Kombëtar për Bujqësinë dhe Zhvillimin Rural, një nismë e mbështetur nga Qeveria Shqiptare dhe Kryeministri Edi Rama.
Pas një procesi të suksesshëm aplikimi, përfituesit në zonë janë pajisur me traktorë dhe agregate të ndryshme, të cilat rrisin ndjeshëm efikasitetin dhe cilësinë e punës së tyre në bujqësi e blegtori. Sipas të dhënave të Bashkisë Shijak, të gjithë aplikantët janë shpallur fitues nga Ministria e Bujqësisë, duke reflektuar efikasitetin e procesit dhe përkushtimin institucional.
Kryetari i Bashkisë Shijak, Elton Arbana, thekson se ky sukses është fryt i bashkëpunimit të ngushtë midis fermerëve dhe stafit të bashkisë, të cilët kanë ofruar ndihmë të drejtpërdrejtë në hartimin dhe dorëzimin e dokumentacionit të nevojshëm për aplikim.
“Ky është një tregues i qartë i përkushtimit tonë për të nxitur zhvillimin rural dhe për të fuqizuar komunitetin bujqësor në Shijak,” deklaroi Arbana.
Bashkia Shijak konfirmon se do të vijojë të jetë mbështetëse dhe bashkëpunuese në të gjitha thirrjet e ardhshme që do të hapen nga Ministria e Bujqësisë, duke ftuar fermerët, blegtorët dhe çdo aplikant tjetër të përfitojë nga mundësitë që ofrohen.
