Aktualitet
Situatë e rrezikshme para parlamentit, molotovët e protestuesve të PD djegin efektivët, policia kundërpërgjigjet me ujë e gaz lotsjellës
Hidhet breshëri molotovësh përpara godinës së parlamentit. Situata ka përshkallëzuar duke rrezikuar edhe policët. Disa prej tyre janë prekur nga flakët dhe janë të lënduar. Shihet që edhe uniformat e tyre janë djegur. Ata po marrin ndihmën e parë.
Policia ka reaguar menjëherë duke hedhur ujë dhe gaz lotsjellës për të neutralizuar situatën.
Edhe një protestues shihet të jetë në gjendje jo të mirë prej gazit lotsjellës dhe po merr gjithashtu ndihmë prej policisë.
