I shpallur në kërkim ndërkombëtar nga Italia, arrestohet te “Myslym Shyri” shqiptari me dy emra

Operacioni i zhvilluar nga Seksioni për Hetimin e Narkotikëve, në bashkëpunim me Interpol Tirana ka sjellë arrestimin e një shtetasi të dënuar nga drejtësia italiane për veprat penale “Trafikimi i lëndëve narkotike” dhe “Falsifikimi i dokumenteve”. Seksioni për Hetimin e Narkotikëve ka bërë të mundur lokalizimin dhe arrestimin provizor të shtetasit Albert Bulcari alias Mirash Hani, në rrugën “Myslym Shyri”.Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.