Kryeministri Edi Rama ka reaguar lidhur me ngjarjen në Vaqarr ku një mjet me ushqime u ndalua nga eksponentë të PD-së të cilës pretendonin se ishin në këmbim të votës nga ana e socialistëve.
“Ndalimi i dhunshëm i disa iftareve mbrëmë nga paramilitarët e “mbrojtjes së votës” është një çmenduri e padëgjuar!Thirrja ime është qetësi, qetësi, qetësi, durim, durim, durim, besim, besim, besim! E diela do të shënojë fundin e mallkimit të së shkuarës mbi rrugën e shqiptarëve”, shkruan Rama.Mëngjesin e sotëm policia bëri të ditur se pas verifikimeve rezultoi se ato ushqime do të shpërndaheshin për iftar dhe nuk kanë lidhje me politikën. Për këtë hetimi ka nisur për eksponentin e PD-së, Florenc Hoxha.
