Ish-drejtori i Përgjithshëm i Policisë së Shtetit, Ardi Veliu, ka marrë një post të rëndësishëm në kabinetin e Qeverisë “Rama 3”. Mësohet se ai është emëruar sot zv.ministër i Infrastrukturës, në ministrinë e drejtuar nga Belinda Balluku.
Përfshirja e tij në strukturat e tjera të Shtetit pas dorëheqjes nga posti i Drejtorit të Përgjithshëm të Policisë pritej, pasi vetë kryeministri Rama ishte shprehur se Ardi Veliu “ka akoma për të dhënë”. Vendimi postin e ri që ai do të mbajë është marrë në mbledhjen e sotme të Këshillit të Ministrave.
Tashmë pritet që Qeveria të njoftojë dhe zyrtarisht emërimin e Ardi Veliut në postin e ri qeveritar.
Ky i fundit dha dorëheqjen një muaj më parë, si një nevojë e Qeverisë për t’i dhënë një impuls të ri Policisë së Shtetit, pas disa ngjarjeve të fundit kriminale që kishtin tronditur vendin, nga veriu në jug. Në vend të tij Drejtor i Përgjithshëm i Policisë së Shtetit u emërua Gledis Nano.
