Kolaudimi i automjeteve do bëhet në shtet” Rama jep lajmin për shoferët: Ja si do veprohet nga janari 2021
Mëngjesin e sotëm kryeministri Edi Rama ka dhënë lajmin për të gjithë shoferët se kolaudimi i mjeteve do ti kalojë shtetit dhe do të kryhet nga Drejtoria e Përgjithshme e Shërbimeve të Transportit Rrugor.
Sipas kreut të qeverisë duke nisur nga janari i 2021 do të ketë disa lehtësira.
Rama shton se do të zgjatet afati i vlefshmërisë ndërsa tarifa nuk do të ndryshojë.
Kështu mjetet e reja, me 0 kilometra 3 vitet e para nuk do të kalojnë në kolaudim, ndërsa mjetet e përdorur nga 1 herë në vit do ta kryejnë kolaudimin 1 herë në 2 vjet.
REAGIMI I PLOTE I KRYEMINISTRIT EDI RAMA
Me përfundimin në dhjetor të koncesionit absurd të kontrollit teknik të mjeteve rrugore (kolaudimi), ky shërbim sikundër e kemi premtuar do t’i kthehet shtetit dhe do të kryhet nga #DPSHTRR dhe nga janari 2021 do të ketë këto risi që do të lehtësojnë drejtuesit e 630 mijë automjeteve:
- Mjetet e reja (0 km) 3 vitet e para nuk do kalojnë në Kolaudim
- Mjetet e përdorura, nga 1 herë në vit do ta kryejnë kolaudimin 1 herë në 2 vjet
- Mjetet taksi, autoshkolla dhe mjetet e transportit të mallrave dhe udhëtarëve nga çdo 6 muaj do ta kryejnë kolaudimin vetëm 1 herë në vit!
- Tarifat aktuale nuk do të rriten, megjithëse afati i vlefshmërisë zgjatet
- Rradha famëkeqe e stresit dhe humbjes së kohës “tek Kolaudimi” do marrë fund
- Cilësia e shërbimit do të rritet, përafrimi me Direktivat e BE në fuqi do të përshpejtohet, modernizimi e informatizimi i këtij shërbimi do të jetë prioritet, sikundër është bërë në punën e deritanishme të #DPSHTRR
- ***fotot nuk janë 3D por realiteti i institucionit të sapo rilindur të #DPSHTRR Fier
