Pas shumë vitesh, Sali Berisha është rikthyer në Lazarat, fshatin bastion të PD në jug të vendit.
Në qendër të fshatit, pritja ishte shume entuziaste. Ish-kryeministri Berisha, në kohën e të cilit ky fshat ishte kryeqendra e kanabisit, i quajti lazaratasit si njerëz fisnikë, atdhetarë, të mençur e punëtorë të cilët u sulmuan egërsisht nga qeveria ne vitin 2014.
“I them Edi Ramës, Lazarati është këtu dhe nuk ka forcë në botë që mund ta shpërbëjë Lazaratin. Lazarati u përpoq ta shpërbëjë diktatura mizore e etërve të tu, por ata përfunduan në koshin e plehrave të historisë ndërsa Lazarati mbeti bastion i lirisë, i burrave dhe grave të lirë e krenarë për karakterin e tyre. Prandaj, ideja e vazhdimit të etërve të tu mizorë, të persekutimit të Lazaratit do të marrë përgjigjen e merituar. Në zgjedhjet e ardhshme, do të marrë përgjigjen e merituar në të gjithë Shqipërinë”, tha Berisha.
Më pas, Berisha bashkëbisedoi dhe dëgjoi shqetësimet e banorëve të Lazaratit:
“Një grua që thotë se burrin e ka në burg dhe se në fshat janë dhënë 500 vite dënim me burg”.
Banorët i referohen dënimeve të dhëna pas aksionit të policisë në Lazarat ne vitin 2014, fshatin që ishte kthyer ne një oaz të rritjes së kanabisit prej vitesh. Gjatë operacionit mbeti i vrarë edhe një punonjës policie dhe u arrestuan grupi i personave që u përgjigj me armë kundër forcave të rendit.
