Të hënën, Presidenti Biden i kërkoi Izraelit të mbrojë spitalin Al-Shifa të Gazës. Duke folur nga Zyra Ovale, ai tha se SHBA është në kontakt me izraelitët dhe kishte shpresa dhe pritshmëri për një zgjidhje.
“Spitali duhet të mbrohet”, u tha ai gazetarëve.
Luftimet janë përshkallëzuar në afërsi të spitalit në qytetin e Gazës gjatë ditëve të fundit ndërsa Izraeli vazhdon ofensivën e tij tokësore kundër Hamasit.
Shumë vende kanë bërë thirrje për të ashtuquajturat “pauza humanitare” për të lejuar kalimin e ndihmave dhe që njerëzit të hyjnë dhe të dalin nga Gaza, ndërsa të tjera kanë kërkuar armëpushim.
Javën e kaluar, SHBA tha se Izraeli do të nisë pauzat katër-orëshe në pjesë të Gazës veriore, ndërsa vazhdon ofensivën e tij.
