Historia e policit Matt Lima tashmë ka pushtuar titujt kryesore të disa gazetave amerikane. Ai u thirr me urgjencë për të arrestuar një familje të dyshuar se kishte vjedhur ushqime në një dyqan në Somerset, Massachusetts. Mirëpo në fund, efektivi jo vetëm nuk i prangosi, por i pagoi vetë të gjitha.
Edhe pse ngjarja ndodhi muajin e kaluar, ajo është mësuar tani. Dy gra u raportuan se nuk kishin kaluar në kasë të gjitha ushqimet e marra.
Ato u treguan mjaft të sinqerta në përgjigjen e tyre përpara efektivit: donin që të kishin si të gjithë një darkë normale Krishtlindjesh me të cilën të gëzonin fëmijët e tyre. Por familja kishte hasur vështirësi ekonomike këtë periudhë dhe nuk e paguante dot të gjithë ushqimin.
Polici i qortoi për shkeljen, por nga ana tjetër i la të merrnin të gjithë ushqimet pasi atë çfarë mungonte në faturën e pazarit, e pagoi nga xhepi i tij.
“Dy fëmijët e vegjël që ishin me njërën nga gratë më kujtuan fëmijët e mi. Nuk mund të bëjë gjë tjetër përveçse t’i ndihmoja”, u shpreh ai.
