Bordi ndryshon çmimet e karburanteve, nafta shkon në 237 lekë. Shtrenjtohet gazi, ulet benzina
Bordi i Transparencës (Kliko) vendosi të ulë disi çmimin e naftës dhe benzinës për periudhën 29 mars – 31 mars.
Nga ana tjetër, shtrenjtohet çmimi i gazit.
Sipas këtij vendimi, një litër naftë me pakicë do të shitet 237 lekë nga 245 që ka qenë deri më tani, kurse një liter benzinë do të shitet me 211 lekë. Ndërkohë, një litër gaz do të shitet me 116 lekë.
“Vendimi i Bordit hyn në fuqi dhe do reflektohet në datë 29 mars, ndërkohë që mbledhja e ardhshme do të jetë ditën e enjte, datë 31.03.2022 me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare”, njofton bordi.
Kjo është një ulje e lehtë në çmimet e karburanteve për këto dy ditë, ndërkohë që çmimi në bursa i naftës është ulur po ashtu.
Sot qytetarët në Tiranë kanë paralajmëruar sërish protestë përpara Kryeministrisë për shkak të çmimeve të larta.
